Paracuellos (Euskera)

Abenduaren 3an salgai Duela 50 urte sortu eta nazioartean goraipatua izan den Paracuellos lanarekin Carlos Giménezek munta historiko eta emozional ikaragarrizko historien historia bat sortu du, Paco Cerrejónek Mercurio aldizkarian adierazi duen moduan PARACUELLOS, ORAIN EUSKARAZ Gerra Zibila amaiturik, 1939an, Francisco Francoren diktadurak Auxilio Socialeko hainbat egoitza kudeatu zituen, umezurtzak edo zailtasun ekonomiko larriak zituzten familietako umeak nazionalkatolizismoaren printzipioetan hezteko. Haur gehienak galtzaileen bandokoak ziren, eta haietako bat izan zen Carlos Giménez. Duela berrogeita hamar urte, Paracuellos marrazteari ekin zion Giménezek, berak eta barnetegiko beste ikaskide askok pairatutako tratu txarrak, gosea eta hotza salatzeko. Nazioartean goraipatu eta zenbait hizkuntzatara itzuli den Paracuellos lanean, Giménezek kontrajarri egiten ditu txikitan bizi izandako errealitatearen krudelkeria eta umeen samurtasuna, frankismoaren biktima ziren ume haien irudimenari eta lañotasunari darien samurtasuna, inoiz ere umore sena baztertu gabe. Paracuellos saileko lehen bi liburukiak biltzen dituen ale honetan, lehen aldiz euskaraz gozatu ahal izango dugu Carlos Giménezek marrazturiko fresko hunkigarria.